Prayers

Benedictus Dominus Deus Israel;

quia visitavit et fecit redemptionem plebi suæ:

Et erexit cornu salutis nobis,

in domo David pueri sui.

Sicut locutus est per os sanctorum,

qui a sæculo sunt, prophetarum eius:

Salutem ex inimicis nostris,

et de manu omnium, qui oderunt nos:

Ad faciendam misericordiam cum patribus nostris,

et memorari testamenti sui sancti.

Iusiurandum, quod iuravit ad Abraham patrem nostrum,

daturum se nobis:

Ut sine timore, de manu inimicorum liberati,

serviamus illi.

In sanctitate et iustitia coram ipso,

omnibus diebus nostris.

Et tu, puer, propheta Altissimi vocaberis,

præibis enim ante faciem Domini parare vias eius:

Ad dandam scientiam salutis plebi eius:

in remissionem peccatorum eorum:

Per viscera misericordiæ Dei nostri:

in quibus visitabit nos oriens ex alto:

Illuminare his qui in tenebris et in umbra mortis sedent:

ad dirigendos pedes nostros in viam pacis.

Magnificat anima mea Dominum,

et exsultavit spiritus meus in Deo salvatore meo,

quia respexit humilitatem ancillae suae.

Ecce enim ex hoc beatam me dicent omnes generationes,

quia fecit mihi magna, qui potens est,

et sanctum nomen eius,

et misericordia eius in progenies et progenies

timentibus eum.

Fecit potentiam in brachio suo,

dispersit superbos mente cordis sui;

deposuit potentes de sede

et exaltavit humiles;

esurientes implevit bonis

et divites dimisit inanes.

Suscepit Israel puerum suum,

recordatus misericordiae,

sicut locutus est ad patres nostros,

Abraham et semini eius in saecula.

V. Angelus Domini nuntiavit Mariæ.
R. Et concepit de Spiritu Sancto.

Ave Maria,

V. Ecce Ancilla Domini.
R. Fiat mihi secundum Verbum tuum.

Ave Maria...

V. Et Verbum caro factum est.
R. Et habitavit in nobis.

Ave Maria...

V. Ora pro nobis, Sancta Dei Genetrix.
R. Ut digni efficiamur promissionibus Christus

Oremus: Gratiam tuam quæsumus,

Domine, mentibus nostris infunde; ut qui, angelo nuntiante,

Christi Filii tui Incarnationem cognovimus,

per passionem eius et crucem,

ad resurrectionis gloriam perducamur.

Per eumdem Christum Dominum nostrum. Amen.

Nunc dimittis servum tuum, Domine,

secundum verbum tuum in pace:

Quia viderunt oculi mei salutare tuum

Quod parasti ante faciem omnium populorum:

Lumen ad revelationem gentium,

et gloriam plebis tuae Israel.

Pater noster, qui es in caelis:

sanctificetur Nomen Tuum;

adveniat Regnum Tuum;

fiat voluntas Tua,

sicut in caelo, et in terra.

Panem nostrum cotidianum da nobis hodie;

et dimitte nobis debita nostra,

Sicut et nos dimittimus debitoribus nostris;

et ne nos inducas in tentationem;

sed libera nos a Malo.

Áve María, grátia pléna,

Dóminus técum.

Benedícta tu in muliéribus,

et benedíctus frúctus véntris túi, Iésus

Sáncta María, Máter Déi,

óra pro nóbis peccatóribus,

nunc et in hóra mórtis nóstrae. Ámen.

Gloria Patri, et Filio, et Spiritui Sancto,

Sicut erat in principio, et nunc, et semper,

et in saecula saeculorum. Amen.